Media birra
Media ii divtte iežas “geavahuvvot”
Muhtun bearrašat ohcet rávvagiid movt sii sáhttet “geavahit” media, muhto lea dehálaš muitit ahte media hárve divtte iežas geavahuvvot. Sorjjasmeahttunvuođa bokte lea sis mearkkašupmi, ja dat guoská maiddái givssidanáššiide.
Sáhttá váldit oktavuođa mediain ja ovdanbuktit iežas ášši, muhto dasto sii dahket iežaset guorahallamiid, hupmet “vuostebeliiguin” ja hukset iežaset oainnuid. Muhtun dáhpáhusain vállje media ii joatkit áššiin. Muhtumin čuohppá media báddemiid ja kommeanttaid, nu ahte mearkkašahtti oasit láhppojit. Dattetge lea media okta givssidanášši deháleamos ovdafiggejeddjiin.
Fámu boastut geavaheapmi lea media suorgi
Givssidanáššiin sáhttá mánná bázit okto givssideaddji joavkku vuostá, ja bearaš sáhttá bázit okto skuvlla ja servodaga vuostá mii geavaha gaskaomiid bearraša vuostá dan sadjái ahte veahkehit máná. Givssidanáššit sáhttet čuohcat váimmus, gos bagatelliseren ja vejolaš fámu boastut geavaheapmi, leat garra vuostálasvuohtan máná gillámušaide. Dat sáhttá dahkat ášši áigeguovdilin mediai.
Máŋgga journalisttas lea duohta sávaldat veahkehit mánáid ja bearrašiid geat vásihit dán. Media dađistaga muittuheapmi givssideami goluin, lea eahpitkeahttá veahkehan bidjat givssideami politihkalaš áššelistui.