Vejolaš heajos bealit media-čállosiin
Media fápmu lea stuoris. Go aviissat, rádio dahje TV váldet ovdan givssidanášši, de sáhttá muhtun áššiin fuomášit 180 gráda jorgaleami ovddasvástideddjiin; bagatelliseremis doaibmabijuide. Rievdadus, das go dovdá iežas fámuheapmen, dasa go oaidná ahte rievttes lávkkit váldojuvvojit, sáhttá leat ollislaš. Máŋggas vásihit oppreisning (gudni máhcaheapmi, dovddasteapmi ahte vearrivuohta lea dáhpáhuvvan) go media almmustahttá vearrivuođa, ja ovddasvástideaddji olbmot ánuhit ándagassii. Vaikko dát positiivvalaš váikkuhusat leat, de leat mii várrogasat ávžžuhit almmustahttima medias.
-
Almmustahttin medias sáhttá dagahit ahte skuvlla oaidnu bearrašii šaddá negatiiva. Go almmustahttá headjuvuođaid ja vearrivuođaid maid skuvla ja skuvlaeaiggát leat dahkan, de sáhttet bearrašat geain leat mánát seammá skuvllas dahje seammá lagašbirrasis dovdat unohassan. Sii sáhttet leat oahpásmeahttumat váttisvuođaiguin, ja oaivvildit ahte bearaš (vearrivuođalaččat) heaŋgá skuvlla ovdan medias. Dakkár reakšuvnnat sáhttet dahkat bearraša sirrejuvvon iežas lagašbirrasis.
-
Leage várrogas identifiseret máná. Jos muhtun googlejit máná nama, de sáhttá givssidanášši boahtit ovdan, guhkes áiggi maŋŋá go eallin lea juo áibbas eará áššiid birra go givssideami. Jeara; maid háliida mánná 25-jahkásažžan ahte ođđa irggástallanguoibmi, dahje vejolaš bargoaddi, galgá gávdnat go googlejit su nama?
-
Mánát eai leat ollesolbmot lága mielde, ja lea fuolaheddjiid ovddasvástádus leat várrogas máná ovddas.
-
Media dábálaččat háliida hupmat iešguđet beliiguin geat leat mielde áššis. Danne ii leat sihkkar ahte ášši ovdanbuktojuvvo dušše nu movt bearaš dan vásiha.
Skuvlamolsun, ja vejolaš fárren, sáhttá dahkat álkibun mannat media lusa.