Go ášši lea mannan menddo guhkás

Go máná dearvvašvuohta lea várus, de ii leat šat doarvái dušše gulahallan. Ná ovttastahtát formála gaskaomiid dainna ahte joatkkát guoibmevuođaid huksema — ja molsut bivnnutvuođa árvvusatnimii.

Muhtumin lea givssidanášši mannan nu guhkás ahte dipmes gaskaoamit eai šat leat doarvái. Jos máná dearvvašvuohta lea várus, de fertejit doaimmat álggahuvvot.

Oza guoibmevuođaid vaikko válddát atnui formála gaskaomiid

Almmut givssidanášši, álggat ovttasbarggu Stáhtahálddašeaddjiin (Statsforvalteren) ja oaččo vejolaččat advokáhtaveahki, nu go čilgejuvvo boahtte kapihttalis. Seammás sáhtát váldit atnui dipmes gaskaomiid. Hukse guoibmevuođaid eará váhnemiiguin, divtte bearraša vásáhusa šaddat oahppásin lagašbirrasis ja daga maid sáhtát eastadan dihte vejolaš stigmatiserema ja sirrema.

Liikojuvvot vai árvvusadnojuvvot?

Eatnasiidda mis lea dehálaš šaddat liikojuvvot. Go mii váldit atnui formála gaskaomiid, de mii cuiggodit skuvlla bargiid ja skuvlla eaiggáda láhkarihkkumiid dihte. Das ii šatta dárbbašlaččat bivnnut.

Go bargá áššálaččat ja systemáhtalaččat unnidan dihte givssideami, daid juridihkalaš gaskaomiiguin mat mis leat, de sáhttá váilevaš bivnnutvuohta buhttejuvvot lassánan árvvusatnimiin.

Jos olmmoš liikojuvvo unnit, muhto árvvusadnojuvvo eanet, de sáhttá dat leat rievdadus mii addá bohtosiid ja mii lea heajos dovddu veara.

Loga dipma strategiija birra: Ovttasbargu váhnemiiguin

Loga formála strategiija birra: Ásat givssidanášši

FOMIS álgovuolggalaš vánhenveahkkegirjjis (2018). Sisdoallu guorahallojuvvo ja ođasmahttojuvvo.