Váldde vára iežastat
Don leat soaitá juo fuomášan dan: jurdagat mat eai luoitte, eahkedat mat manne skuvlii sáddejuvvon e-poasttaid hábmemii. Dat ii leat headjuvuohta — dat lea dábálaš reakšuvdna dasa go oaidná iežas máná gillát guhkit áiggi. Muhto jos don galggat guoddit dán ášši, de ferte muhtin guoddit du ge.
Váhnemin gaikkoda váimmus oaidnit iežas máná gillát. Noađđi sáhttá lassánit go skuvla ii dohkket váttisvuođa, ja soaitá dahkat bearraša eallima ain váddáseabbon. Seammás ferte leat gievra ja rationála iežas máná dihte. Máŋggas gávdnet unnán saji alcceseaset.
Dohkket ahte don leat earenoamáš váttes dilálašvuođas, gos lea lunddolaš dovdat iežas váibban ja veahkeheapmen. Ledjoneatnit ja -áhčit dárbbašit maiddái vuoiŋŋastit. Ráhkat saji alccesat ja loade batteriijaid.
Daga juoga eará
Buorit ustibat juogadit gerges váttisvuođaid ja fuolaid, ja sáhttá leat buorre hállat givssidanášši birra. Geahččal goitge ahte visot ii guoskka givssideapmái. Dat sáhttá šaddat váibadeaddjin ustibiidda. Máŋgasii lea váttis áddet givssidanášši, jos ii leat vásihan dan ieš. Dasa lassin sáhttá leat buorre dutnje jurddašit juoga eará.
Eallit mátkkis
Go oaidná iežas máná gillát almmá bissehit givssideami, de dat gollaha bearraša. Jos vásiha sirrema lagašbirrasis ja vuostálastima skuvllas, de sáhttá behtolasvuohta šaddat čiekŋalis ja lossat.
Ale moraš. Gávdnojit geainnut eret givssideamis. Čuožžo máná bálddas dassážii go givssideapmi lea čovdojuvvon, ja muitte eallit mátkkis. Don dárbbašat maiddái bottuid.