Goas berret don váidalit politiijai?
Máŋga vánhema eahpádit seaguhit politiija dasa mii dáhpáhuvvá mánáid gaskkas. Eahpádus lea ipmirdahtti — muhto máná riektesuodji ii galgga leat heajut go du iežat.
Máŋggas eahpádit mannat politiija lusa. Vánhemat sáhttet jurddašit ahte politiijas leat eará, ja deháleappot, barggut masa geavahit resurssaideaset. Muhtun givssidanáššiin lea maiddái veahkaválli ja áitagat, ja dat leat čielga dearvvašvuođaáittan mánnái. Dalle berre árvvoštallat politianmeldelse (čálalaš váidalus politiijai vejolaš ráŋggáštahtti dagu birra).
Dárkkistangažaldat
Jos leat eahpesihkar galggat go váidalit, de sáhtát jearrat alccet čuovvovaš dárkkistangažaldaga; - Maid mun livččen dahkan, jos mun vásihivččen dán?
Máŋgasii lea vástádus čielggas, sii livčče váidalan givssideami/veahkaválddi politiijai. Jos nu lea, de šaddá lunddolaš čuovvolangažaldat; -galgá go mu máná riektesuodji leat heajut? Jos nu, de manne, danne go dat lea mánná?
Gažaldagat leat retoralaččat, muhto čájehit ollu. Servodat sáhttá givssidanáššiin čájehit imašlaš návcca dohkkehit vearrivuođa mánáid vuostá maid ii goassege livčče dohkkehan rávisolbmuid vuostá. Nu ii galgga leat.
Gean sáhttá váidalit?
Bearaš sáhttá váidalit politiijai givssideaddji mánáid, givssideaddji mánáid fuolaheddjiid, skuvlla bargiid geat eai bisset givssideami ja skuvllaid eaiggádiid gos givssideapmi dáhpáhuvvá.