Váidaluvvon áššit sáhttet doalvvuduvvot Konfliktrådetii
Veahkaválddi ja áitagiid oktavuođas sáhttá politiija sáddet ášši Konfliktrådetii (soabahallanráđđi, sierra riekteásahus mii soabahallá áššiid beliid gaskkas), mii ieš čállá ahte givssideapmi lea okta dain dábálaš áššiin maid politiija sádde (Geahča Spørsmål og svar – Konfliktrådet)
Šielbmá oažžut áššiid Konfliktrådetii galgá leat vuollegaš ja soabahallan lea eaktodáhtolaš, muhto Konfliktrådet lea riekteásahus ja das lea mearkkašupmi.
Lea dehálaš earuhit givssideami ja riiddu, ja muhtumat dan dihte vuosttildit Konfliktrådeta geavaheami. Jos givssideapmi meannuduvvo riidun, de dat sáhttá vearránahttit dili mánáide geat vásihit givssideami. Riidu eaktuda ovttadássásašvuođa, ja givssideami mearkkaša fas dan váilun.
Muhtun báikkiin lihkostuvvá Konfliktrådet buktit ovdan givssiduvvon máná dili, ja olaha buriid čovdosiid. Konfliktrådet sáhttá njulget sihke givssideaddji nuoraid láhttema, ja skuvllaid mat eai atte givssideami duođalažžan. Go ášši lea váidaluvvon politiijai, ja meannuduvvo riekteásahusas, de dat sáhttá buktit ovdan givssideami duođalašvuođa ja eastadit viidáset givssideami.
Guorahala áinnas báikkálaš konfliktrådeta gelbbolašvuođa ja geavada. Jos sii gieđahallet givssidanáššiid buori vugiin, de sáhttá leat buorre čoavddus doalvut ášši konfliktrådetii.