Čoahkkin skuvllain
Lea áibbas dábálaš ballat dán čoahkkimis. Don manat sisa iežat ášši oassálastin, ja fáddán lea du rákkáseamos. Buorre ráhkkaneapmi dahká du ráfálaččabun — ja čoahkkima buorebun.
Mii oažžut oallut jearaldagaid bearrašiin geat ráhkkanit čoahkkimii skuvllain.
Sáhttá orrut álki mannat čoahkkimii skuvllain, muhto geavatlaččat sáhttá dat leat váttis máŋgga siva dihte;
-
Dovddut leat garrasat danne go mánás lea bávččas.
-
Eanaš vánhemiin ii leat hárjáneapmi dán lágan čoahkkimiiguin, seammás go máná loaktin ja dearvvašvuohta sáhttet leat áitagis. Dat sáhttá dahkat dilálašvuođa gealdagassii.
-
Jos skuvla ii leat háliidan dovddastit ahte givssideapmi dáhpáhuvvá, de sáhttá dovdat eahpesihkkarvuođa das mo galgá ovdánit.
-
Jos ieš leat vásihan givssideami, de sáhttet dovddut leat erenoamáš garrasat. Muhtin dilálašvuođain sáhttá riska ahte badjelmearálaččat reagere jos alddát leat hui heajos vásáhusat skuvllain. Muittut alccat ahte dát guoská du mánnái, ii dutnje. Geahča ášši nu objektiivvalaččat go sáhtát.
Dovddus gahččansajit skuvlačoahkkimiin leat:
-
Skuvla unnida givssideami.
-
Muhtin dilálašvuođain sáhttá bearaš vásihit áitagiid.
-
Referáhta (dárogillii referat, čoahkkinbeavdegirji) čoahkkima maŋŋá ii dávis dainna mii daddjojuvvui čoahkkimis.
-
Dovddut leat garrasat ja lea álki moaráhuvvat.
-
Deaŧalaš áššit eai váldojuvvon ovdan čoahkkimis.
-
Skuvla lohpida váldit givssideami ovdan daid mánáid bearrašiiguin geat givssidit, muhto geavatlaččat dat ii dáhpáhuva.
-
Skuvla lohpida álggahit doaibmabijuid givssideami vuostá, muhto čoahkkima maŋŋá doaibmabijut eai boađe, dahje dat čađahuvvojit beallemielain ja bázet beavttiheapmen.
-
Čoahkkimis váilu čuovvolanplána.
Buriid ráhkkanemiiguin lassána vejolašvuohta oažžut buori čoahkkima mii addá ovdáneami áššis.
Loga: Čoahkkima čađaheapmi