Referáhta ii dávis čoahkkimiin
Vaikko boađát ráhkkanan čoahkkimii skuvllain, ja čađahat dan nu movt ovdal lea čilgejuvvon, de sáhtát vásihit ahte oaččut referáhta (dárogillii referat, čoahkkinbeavdegirji) mii spiehkasta das mii duođaid daddjojuvvui čoahkkimis. Referáhta lea dokumeanta mii manná máná áššemáhppii, ja sáhttá boahtit ovdan vejolaš váidalusáššis, PPT:s (pedagogalaš-psykologalaš bálvalus) ja eará aktevrraid luhtte.
Jos referáhtas leat meattáhusat, de rávvet mii sáddet skuvlii njulgema ja bivdit ođđa referáhta. Oaččo áinnas vuolláičállaga earáin geat ledje das, jos sii sáhttet duođaštit bearraša veršuvnna, dahje duođaš eará vugiin meattáhusaid referáhtas.
Jos skuvla ii ráhkat ođđa referáhta, de sáhttibehtet bivdit ahte din njulgen vurkejuvvo ovttas referáhtain. Vurke njulgema duođaštussan. Áinnas gáibit beassat geahčadit máná máhpa ja dárkkis ahte dieđut leat riekta.