Bloggaid ja sosiála media geavaheapmi
Dál sáhttá ieš almmuhit givssidanáššiid, bloggaid ja sosiála media bokte. Muhtumin viidána sisdoallu hui viidát ja das lea stuorra váikkuhus, muhto leat máŋga siva manne berre jurddašit bures.
Ovdamearka konstruktiivvalaš blogga geavaheamis givssidanáššis lea Line Sommer Hoel blogga. Dat veahkehii dáidá dasa ahte son ollii ulbmilii iežas buhtadusáššis. Line lei hui buohcci go son vásihii dan maid máŋggas dadjet lei fámu boastut geavaheapmi gieldda bealis. Blogga lei su vuohki beassat gullot. Mii leat dattetge várrogasat ávžžuhit bloggema ja juogadeami sosiála medias. Dat guoská sihke mánáide geat ieža bloggejit, ja rávisolbmuide geat bloggejit iežaset mánáid birra dahje juogadit persovnnalaš dieđuid sosiála medias.
Rávisolbmot fertejit vuhtii váldit máná persovnnasuoji. Jos mánná háliida ieš blogget, de berrejit sii veahkehit ja bagadit máná nu ahte dat maid son bidjá olggos ii šatta vahágin mánnái, dál dahje boahtteáiggis. Fuolaheaddjit berrejit hui bures árvvoštallat rávvet máná dan vuostá ahte bloggegoahtá.
Váldoáššis mii rávvet dan vuostá ahte juogadit persovnnalaš dieđuid neahtas. Doaivva lea ahte givssidanášši fargga lea dušše muitu, ja dieđut neahtas sáhttet bissut agálaččat.