Movt buoridit skuvlla?

Skuvllat mat eai birge, sáhttet oažžut veahki: Læringsmiljøprosjektet, gieldda gearggusvuođajoavkkut ja Oahpahusdirektoráhta resurssat. Muital skuvlii vejolašvuođaid birra.

Muhtin skuvllat eai leat sihkkarat mo galget bargat buoridan dihte skuvlabirrasa. Gávdnojit ollu resurssat maid skuvla sáhttá geavahit.

Læringsmiljøprosjektet (oahppanbirasprošeakta) čájeha hui buriid bohtosiid; skuvllat sáhttet ohcat searvat dán prošektii. Loga eanet Læringsmiljøsenteret-guovddážis.

Máŋga gieldda leat ásahan gearggusvuođajoavkkuid main lea fágaidrasttildeaddji máhttu ja mat sáhttet veahkehit givssidanáššiin. Guorahala áinnas lea go gielddas dahje fylkkas dakkár joavku. Soaitá gielddas dahje fylkkas leat trygg-kontakt (oadjebasvuođa oktavuohtaolmmoš), válljejuvvon givssidanprográmma, mobbeombud (givssideami áittardeaddji) dahje eará heivvolaš fálaldagat.

Oahpahusdirektoráhtas (Utdanningsdirektoratet) lea geahčastat iešguđetlágan resurssain givssideami vuostá, nugo ee. ávžžuhuvvon givssidanprográmmat ja joavkkut mat sáhttet veahkehit skuvllaid. Addojuvvo ekonomalaš doarjja go geavahuvvojit dohkkehuvvon prográmmat. Norggas mis leat guokte máilmmi njunuš dutkanbirrasis givssideami vuostá: Læringsmiljøsenteret UiS:s (Universitetet i Stavanger) ja Olweussenteret UiB:s (Universitetet i Bergen). Skuvla sáhttá váldit oktavuođa Oahpahusdirektoráhtain bagadallama dihte.

Skuvla sáhttá ohcat rávvagiid Stáhtahálddašeaddjis (Statsforvalteren) gii sáhttá addit bagadallama givssidanáššiid čoavdimis.

Fuolaheaddjit sáhttet buktit evttohusaid birasváttisvuođaid čoavdimii, muhto sis ii leat riekti mearridit makkár doaibmabijut biddjojuvvojit johtui. Máná lágas nannejuvvon riekti lea riekti buorre ja oadjebas skuvlabirrasii.

Loga: Čuovo dassážii go rievdadusat leat bistán guhkit áigge

FOMIS álgovuolggalaš vánhenveahkkegirjjis (2018). Sisdoallu guorahallojuvvo ja ođasmahttojuvvo.